लहाणपणी शाळेत जाताना
वाटेतल्या चिंचेच्या झाडची चिंच
चोरुन चोरुन खायचो....
नेहमीचाचं असा खेळ होता आमचा
खुप मज्जा यायची चोरुन चोरुन
चिंच खायला.
एक दगड मारला की,
दोन चार चिंचा हमखास पडायच्या...
जमिनीवर पडलेल्या चिंचा उचलताना
व्हायची मं भांडण आमच्यात
"हि माझी चिंच आहे आणि हि तुझी चिंच आहे."
त्या भांडणाचा आनंद अजुनही मनात आहे,
त्या चोरलेल्या चिंचेची आंबट गोड चव
अजुनही जिभेवर आहे तशीच...
जातो कधी कधी त्या वाटेवर
मनात आलं कि...
मनात तर असतं माझ्या
एक दगड मारुन मस्त पैकी
दोन चार चिंचा पाडायच्या....पणं,
भांडायला ते मित्र नसतात आता.
