"तु बोललीस - मी बोललो"

तु बोललीस - सुटू दे आज बेभान वारा,

मी बोललो - येशील कशी मला भेटायला?

तु बोललीस - येईन सा-या परतीच्या वाटा सोडून...,

मी बोललो - त्या वा-रात वाटा ही नं दिसे अधुन-मधुन,

तु बोललीस - येईन हळूहळू सोसत वारा,

मी बोललो - नको सोसुस हा दुष्ट वारा...

तु बोललीस - घेईन लपेटून शाल अंगावर नाही लागणार हा दुष्ट वारा...,

मी बोललो - देऊ नकोस दोष त्या येणा-रा वादळाला,

तु बोललीस - कोणत वादळ रे? मी तर तुझ्या मिठीत आले ना आता?